Khanapara, June 1 : University of Science and Technology Meghalaya (USTM)-ni School of Pharmaceutical Sciences-o poraienggipa gisik seng•gipa sak 3 chatro chatrirang, uamangni skigiparang baksa, INNOVATIVE-A-THON 1.0-o uamangni start-up idea, “Formulation of a Chewable Dentifrice,” ba cha•gepgepna man•gipa gum-ko bikotanichi skanggipa biapko man•aha.
Ia program-ko, India sorkarini, NITI Aayog, Atal Innovation Mission-ni dakchakanichi Atal Incubation Centre, NIPER-Guwahati Foundation ong•atangaha. Ia chegipa dolrangna bilsiantian NIPER-ni gita tangka paisani dakchakaniko on•anggen.
USTM, School of Pharmaceutical Sciences-ni Associate Professor aro Vice Principal Dr Sudarshana Borah-ni nirokanio, B.Pharm-ni final-year-ni chatro chatrirang chong•motan Gouranga Baruah, Lobsing Tashi aro Riya Salam mang chewable dentifrice-ko tariaha. Aro ian cha•gepgepe dongna man•gipa gum ong•a, jean an•chingni wagamrangko name rongtalatna dakchakgen.
Iani bidingo, Dr Sudarshana Bora Khanikor, ia chewable gummy ba cha•gepgepna man•gipa gum jekon, salgro salaram jolo man•gipa enthomedicinal plant ba samna jakkalgipa sam bijakoniko tariahachim, uan mandena nambegipa aro samtangtango donggiparangna maming nosto ong•ataniko ra•bajawa.
“Ia bostu chini grigipa ong•a, jean an•chingni wagamna namen namgniko on•gipa bosturang dongan baksana wagamko chirongatanirangna agre toxin ba maming namgija bosturangko on•ja. An•chingni ramram jakkalenggipa wagam natani samrangna bate ian nambatgipa ong•gen maina ian toxin gri aro mandeni be•enna naman baksana bostu tarianio chirangko bang•e jakkalnaba nangjawaha. Iasan ong•aigija iako jakkalanichi wagamko bokatan baksana ku•biba sengani aro waringrangko nosto ong•aonikoba naljoke rakkigen,” inenba Dr. Khanikor aganangaha.
Na·simang ia video-koba nina man·gen:
Na·simang iakoba poraina man·gen: Assam LS election pu•onaniko chanani somoio maming neng•nikanirangko chagrongjana gita tarisamsoa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
