Shillong, Feb 17: Tourism Minister Paul Lyngdoh, Ed Sheeran-ni Concert chu•sokgipa ong•ani ja•man kobor ra•timgiparang baksa agangrikengon, ian Meghalaya a•doko music-ni a•bao dal•a chu•sokani ong•a ine aganan baksa tourism sector-ni gamchatani gimin janapangaha.

Iandakgipa concert-rangko Shillong aro Umiam-osan ong•atrongengani bidingo janapengon, musician-rang ba bak ra•na re•bagipa dolrangna maming neng•nikaniko on•jana gita a•dokni gipin bakrango rama sorokrangko namdapatenga, dongchak tuchakani homestay-rangko baridapatenga aro gipin rika cho•ani kamrangko taridapkuenga ine Lyngdoh parakataha.

Una agreba, concert-rangko ong•atanichi tourism-ko tang•doatani gimin janapengon, sak 30,000-35, 000 manderang ia concert-o bak ra•angaha jean, songjinmao badingchiwale cha•enggiparangna, hotel aro homestay-ni nokgiparangna bang•a dakchakaniko on•aha aro uasan ong•aigija, bang•a manderangan concert-ni ja•man dongrikuenba Sohra, Dawki aro Umiam-ona re•ange niangaha aro ian tourism sector-ko tang•doatanio dakchakaniko on•enga ineba ua aganaha.

Indake, Ropeway project-ko a•bachengataha aro mikkangchiba bang•a tourist-rangko rimbana man•a gita tourism sector-ni rika cho•ani kamrangko bang•bate taridapangna a•dok sorkari kang•kare ka•enga ineba Tourism Minister parakataha.

Na·simang ia video-koba nina man·gen:

Na·simang iakoba poraina man·gen: KHADC election-na Conrad, Shella constituency-ni Dalia songo campaign ka•anga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub