Tura, July 12: Sukrobar salo, Harding Universal Trust-ni dilgiparang, Meghalaya a•dokni Education Minister Rakkam A Sangma aro Education department-ni official-rang baksa tom•enba, Tura-ni samba jolo donggipa Edenbari-o Residential skulko kulina gita dakchakanirangko on•china mol•molangaha.
Ia residential skulko class VI-oni class XII-ona kulina gita Harding Trust, gitcham sorkarina proposal-ko on•ahachim indiba da•alona kingkingan ia residential skulko kuliani bidingo a•dok sorkari name tik ka•na man•kujaengachim.
Ia skulko Public-Private Partnership (PPP) Mode-o Harding Trust kulina miksongengachim aro ia skulko kulina nangniktokengani gimin ia tom•anio Edenbari jolo songdongenggipa manderangba bak ra•angtokaha.
Harding Universal Trust-ni mol•molanirangko niatna gita a•dokni Education Minister ku•rachkaniko on•angaha aro unbaksana ia project-ko maikai chu•sokgipa ong•atna man•gen, uandake ua Harding Trust-ni dilgiparangna agan-ku•pattianirangkoba on•angaha.
Iani bidingo ua a•dokni Chief Minister Conrad Sangma aro Meghalaya Legislative Assembly-ni Speaker Thomas Sangma baksa tom•e chanchirimanggen ineba Education Minister, tom•anio bak ra•giparangna ku•rachakaniko on•angaha.
Ia tom•anio dongpae bak ra•anggipa gipin manderangara, Rongram Block-ni BDO Cherimi WR Sangma, West Garo Hills-ni SDEO RTK Sangma, Harding Universal Trust-ni Chairman BB Sangma, Harding Theological College-ni Principal Dr Imnanungshi Imsong aro gipinrang ong•a.
Na·simang ia video-koba nina man·gen:
Na·simang iakoba poraina man·gen: Niksamseng-ko so•otchakgipa Goalpara-ni rehab centre-ko administration chipata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
