Williamnagar, Nov 14: Williamnagar-o National Teacher’s Award-ko man·gipa Gamchi Timre R Marak-ni chalaienggipa Educere Higher Secondary School-ni bilsi 30 gapaniko Bristibar salo, Parents Day aro Children’s Day baksa apsan maniangaha.
Ia program-ko ong·atanio, East Garo Hills a·jani Deputy Commissioner Vibhor Agarwal, mongsonggipa sokgipa ong·e bak ra·angaha aro unbaksana Social Education Officer Dr Jilpash R Marak, Resubelpara DIET-ni Assistant Professor Dr Aldrin B Marak aro MBOSE-ni Deputy Director Balmuri K Marak-ba dongpae bak ra·angtokaha.
Ia tom·anio, East Garo Hills a·jani Deputy Commissioner, jinmana aganprakengon, a·gilsakni seng·aniko on·anio bilsi 30 gapahani gimin ia skulna an·tangni namgipa skaniko on·angenba, ia chasing gitalni kolrang, jekai mobile phone, computer, internet aro uandakgipa kolrangko simsake jakkalchina chatro chatrirangko ku·pattiangaha. Dedrangrangni internet jakkalaniko simsak nirokchina gita ua ma·a paarangkoba didiangaha.
Ia program-ko ong·atanio Resubelpara DIET-ni Assistant Professor Dr Aldrin B Marak, New Education Policy (NEP) 2020-ni bidingo agan-talatanirangko on·angenba, ia NEP 2020-ko ra·gatanio chagrongna nangenggipa ra·bianirangko chel·chakna gita adita cholrangkoba ku·pattie on·angjolaha.
Ia tom·anio, MBOSE-ni Deputy Director Balmuri K Marak-ba jinmana aganprakangengon, ia sal somoirango chadamberangni chagrongenggipa dingtang dingtang neng·nikanirangko janapangenba, chadamberangko namao dal·droatna gita name nirok sandina nanga ine agan-ku·pattianirangko on·angaha. COVID-19 sajinmaonin skulrang, chatro chatrirang aro ma·a paarangni gisepo bakrimanirang bilgriangahani a·sel Garo Hills-ni dingtang dingtang biaprango pekatgipa bosturangko jakkalani aro gisikni gita neng·nikanirangko man·na a·bachengaha ineba Marak aganaha.
Ia program-ko ong·atanio, dingtangmancha poraiani aro dingtang dingtang kamrango chu·sokgipa chatro chatrirangnaba mande ra·pilskaanirangko dakangjolaha.
Na·simang ia video-koba nina man·gen:
Na·simang iakoba poraina man·gen: W’nagar-ni Green Yard School-o Parents & Guardians Meet-ko ong·ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
