Williamnagar, July 9: 2-Tura Parliamentary Constituency-na seokako man•gipa Tura-ni gital MP Saleng A Sangma-na Mongolbar salo, East Garo Hills District Congress Committee (DCC)-ni gita mande ra•pilskaaniko dakangaha aro ia tom•anina Congress dolni membor-rang, chatro chatrirang aro East Garo Hills a•jani dingtang dingtang biaprango songdongenggipa bang•bea manderang re•bae bak ra•angtokaha.
Ia tom•bimonganio, Meghalaya Pradesh Congress Committee (MPCC)-ni working president Deborah C Marak, gitcham MLA Brigady N Marak, Phulbari-ni gitcham MLA Esmatur Mominin aro gipin dilgiparangba dongpae bak ra•angtokaha.
Ia tom•bimonganiko ong•atanio Tura-ni MP Saleng Sangma, jinmana aganprakangengon, Lok Sabha election-o uko chegipa ong•atna gita kam ka•gipa aro una pu•ongipa manderang pilakkon mittelpilangaha aro pu•onani ja•man result-na skang a•gilsakko watanggipa manderangnaba ua kalimpaaniko parakataha.
Election-o cheahani gimin una mande ra•pilskaaniko dakaianiara uni kam matchotaha ong•ja ine janapatengon, Meghalaya a•doko aro mongsongbate Garo Hills-o lekka pora, chadamberangna kamrang aro bading chiwalani kamrango chu•sokgipa ong•ahaosa pilakan rang•sitna man•gen ine Sangma aganaha.
Da•o Garo Hills-ni manderang uko seokenba bilko on•ahani giminsa sorkari kenjagoke kamrangko ka•na a•bachengenga ine janapatskaengon, uni MLA ong•engmiting somoirango ua changni chang an•tangni constituency-o bijoliko namdapate on•china sorkariko mol•molatahaoba maming kamrangkon ka•jaha indiba da•ode sorkari kenjagokenba song damgnina transformer-ko on•ataha ine Tura MP parakataha.
Na·simang ia video-koba nina man·gen:
Na·simang iakoba poraina man·gen: WJH-ni 90% songrang dam 16 constituency-rangko sualpiltaianiko jegala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
