Williamnagar, Dec 12: Bristibar salo, Simsanggre Soil & Water Conservation Division, Upper Chibok Watershed Project-ni gita Prime Minister Krishi Sinchayee Yojana-Watershed Development Component 2.0-ni ning•o Inputs Distribution of Livelihood and Production System program-ko Williamnagar-ni Nabokgre songo ong•atangaha.

Ia program-ko ong•atanio, Samanda Block, Rongjeng Block aro Songsak Block-ni ning•o game ge•e cha•enggipa manderangni janggi tangani gadangko namdapatna gita dingtang dingtang game ge•e cha•ani bosturangko, a•dokni Soil & Water Conservation Minister Marcuise N. Marak-ni jakchi suale on•angaha.

Ia tom•aniko Divisional Soil and Water Conservation Officer, Corbeth Homa D. Sangma dilangaha aro tom•anio bak ra•giparangna rimchaksoani kattarangkoba aganangaha.

Ia tom•anio, Samanda C&RD Block-ni BDO Tochri R. Sangma-ba dongpae, jinmana aganengon, sorkarini manderangna block-ni gita on•enggipa dingtang dingtang scheme-rangko ra•china didiangaha.

Ia tom•anio mongsonggipa ong•e sokgipa Soil & Water Conservation Minister Marcuise N Marak, jinmana aganprakengon, Pa Togan Nengminza Sangma aro a•songna-jatna on•kange kam ka•giparangko gisik ra•atpilenba, Conrad Sangma-chi dilenggipa sorkari, a•doko songdongenggipa manderangni namgnina kam ka•enga aro skotong minister Conrad Sangma-ni kam ka•dilanichi bang•en namgnirang sokbaaha ine aganaha.

Ia tom•anio East Garo Hills-ni Additional Deputy Commissioner (ADC) Reuben Ch. Momin, Treasury Officer Morgan Ch. Momin aro gipinrangba dongpae bak ra•angtokaha.

Na·simang ia video-koba nina man·gen: 

Na·simang iakoba poraina man·gen: Pa Togan Nengminja-ni chang 152-gipa siani salko gisik ra•e mania

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub