Khliehriat, Mar 22: Meghalaya a·dokni East Jaintia Hills a·jao chadamberangni gisepo drugs jakkalaniko bon·atna miksonganio ‘Ia ka Mynreid’-ko a·bachengataha.
Ia program-ko District Administration aro District Mineral Foundation-ni dakchakanichi a·jani dam 11 School-rango winter camp-ko ong·atangna man·aha jeon sak 1,826 bak ra·gipa chatro chatrirangna drugs-ni namgijarangni gimin mikrakataniko on·a man·aha.
Sutnga-Saipung Constituency-ni MLA Santa Mary Shylla, mongsonggipa sokgipa ong·e bak ra·angaha aro jinmana aganprakengon, ia winter camp-ko ong·atna man·anichi adita chatro chatrirangna u·iataniko on·an baksana uamangni janggi tanganio dingtanganiko ra·bana training-koba on·a man·aha aro ian a·jani chatro chatrirangna program-rangko ong·atgiparangoni nambatsranggipa ong·a aro chadamberangko mande ong·atna gita mikkangchi ba gipin School-rango ia program-ko ong·atangna mangsongenga ine parakataha.
East Jaintia Hills a·jani Deputy Commissioner ia ja·ku de·engani gimin talatengon, soft skill training-ko on·ana agreba Drug Reduction Elimination & Action Mission (DREAM) baksa nangrime ia program-ni gita chadamberang an·tangtangni changa sapaniko u·ie ra·na aro drug jakkalaoni chel·e dongani cholrangko ma·sie ra·na dakchakaha. Ia a·jao drug jakkalgiparang namen bang·ani gimin iandakgipa kamrangoni chel·e dongchina didianiko on·a chol man·aha ine aganaha.
‘Ia Ka Mynreid’ programme-ko Skotong Minister-ni a·dokko drug-free a·dok ong·atna niksamsoanio mongsongbate chadamberangna a·bachengataha maina uamangan ia a·dokko, a·songko aro a·gilsak gimikon mikkangchi dilnagiparang ong·a ong·a ineba ua aganaha.
Ia winter camp-ko ong·atanio, golpo aganani, salantio ja·rikna nanggipa bewalrangko ranta ka·ani, jinmao agana ka·donganiko bariatna talent show-ko ong·atangaha aro iarangna agreba drug jakkalaoni chel·e janggi tanganiko tangna Chatro chatrirang ku·rakangaha.
Na·simang ia video-koba nina man·gen:
Na·simang iakoba poraina man·gen: Indian Knowledge System-ni workshop-ko Shillong-o ong·atenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
