Jowai, Nov 30: Bristibar salo Elaka Jowaini ning·o donggipa Raij Chyrmangni kamalrang Shri Raymond Nartiangko mande ra·kame donganiko mesokna Ku Tyngkong manianiko Chyrmang songo ong·ataha. Ku Tyngkong manianiko Patorni janggi tangmitingo changsa mangmangsan ong·ata.

Jaintia Hillsni Elakarango Dolloi-ni ka· magipa gadango donggipakon Pator minga. Uan a·jao Niamtre toromko ra·agiparangko nirok simsake dilgipa ong·a. Ua toromni kamrango dangdike on·an baksa, Elakani ning·o donggipa Raij-rangni gisepo meligrikgijanirang dongode uamangko meligrikaniona ra·bana kam ka·gipa ong·a.

Bristibar pringo Elaka Jowaini Dolloi ba skotong dilgipa, Shri Puramon Kynjing, Pator, aro Seinraij Jowaini opiso kam ka·giparang Myntdu chibimaona re·angaha, jeon uamang Pator-ko chilenba Chyrmang Songni Yung Langdoh-ona chibimako batsotangaha.

Yung Langdoh-ona sokangon uamang bi·a mingani kamrangko dakaha, aro Raij Chyrmangni sima ariko chel·chake rakkina aro Raij-o songdongkamgiparangko mande ra·grikna inenba Raij Chyrmang-ni Langdoh aro Pator-ni gisepo ku·mitchetgrikanikoba dakangjolaha.

Iakoba poraie nina man·gen: Mongmarangko nikdate gari a·sel ong·a

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub