Shillong, Oct 15: India a•songni dingtang dingtang a•dokrango ong•atna sienggipa election-rangna Election Commission of India (ECI)-ni tarikrangko parakatani ja•man, Meghalaya a•dokoba election-ko tom•tome aro nama bewalo ong•atna gita Election department tarisamsomanaha ine Mongolbar salo, a•dokni Chief Electoral Officer (CEO) BDR Tiwari parakataha.
CEO-ni parakatani gitade, Gambegre by-election-na gazette notification-ko October 18 tariko on•anggen aro nomination file ka•ani bon•kamgipa salara October 25 tarik ong•gen.
Nomination-rangko October 28 tariko scrutiny ka•gen aro nomination-rangko ra•pilani bon•kamgipa salara October 30 tarik ong•gen.
Gambegre by-election-na pu•onaniko November 13 tariko ong•atgen aro vote-rangko November 23 tariko chanskagen.
Gambegre Assembly constituency-o gimik sak 32,157 vote-rang donga, aro ianoni sak 16,333-de me•asarang aro sak 15,824-de me•chikrang ong•a.
Gambegre constituency-ni ning•o dam 51 polling station-rang donga aro ianoni dam 31 polling station-rangde kenchakna nanggiparang ong•a.
Na·simang ia video-koba nina man·gen:
Na·simang iakoba poraina man·gen: Meghalaya-ni Rayonald Kharkamni-ko BCCI-ni Match Observer-na seoka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
