Dibrugarh, Jun 5: Punjab a•dokni Khadoor Sahib Lok Sabha constituency-o cheani ja•man pattoko donako man•enggipa Khalistani Amritpal Singh-ko Budbar salo, uni jikgipa Kirandeep Kaur, ukil aro Punjab-ni gitcham MP Rajdeo Singh Khalsa baksa, Dibrugarh Central jail-ona re•bae grongeaha.

Khadoor Sahib Lok Sabha constituency-o Amritpal Singh, 1,97,120 vote-rangchi chegipa ong•ahachim.

Amritpal Singh-ko grongna re•baani somoio uni ukil Rajdeo Singh Khalsa, kobor ra•timgipa manderang baksa agangrikengon, Sikh-rangni nanganirangna ku•rang on•na man•gipa ong•ani giminsa ia election-o Sikh manderang uko seokaha aro sorkari uko bakan watpilna nangchongmota ine aganaha.

Punjab a•dokko pekatgipa samrangoni jakgitel ong•atna gitasa Amritpal Singh kamrangko a•bachengatahachim indiba Bhagwant Singh Mann-chi dilenggipa AAP sorkari, uni kosako tol•e sakkirangko on•enba pattoko chipataha ineba Khalsa aganaha.

Khadoor Sahib Lok Sabha seat-ko uni cheanian manderang una chakpaanirangko on•enga ine mesokani ong•aha ineba Amritpal Singh-ni ukil aganaha.

Ia Lok Sabha election-o Amritpal Singh, Dibrugah Central jail-oni susaangenba, 4,04,430 vote-rangko man•e Congress dolni Kulbir Singh Zira-ko 1,97,120 vote-rangchi cheangahachim.

Punjab a•doko Sikh-rangna dingtang a•dokko dabidilenggipa Amritpal Singh-ko 2023 bilsini April 23 tariko Punjab-o rim•a intalan Dibrugarh Central jail-o donengachim.

Na·simang ia video-koba nina man·gen: 

Na·simang iakoba poraina man·gen: PM Modi kam watani chittiko a•songni Prez-na on•ea; Jun 8 tariko gital PM ong•e ku•mikchetgen

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub