Guwahati, Apr 12: India a•song gimikon da•o Indian Air Force (IAF)-ni gita Emergency Landing Facility (ELF)-rangko a•bachengatengahani gimin ian India a•songni dakgrikna tarisamsoaniko mesokani ong•engama ine bang•a manderangni gisikrangon sing•anirang ong•kattokenga.
Mitamrang iako tarisamsoanio dakrongbewalsan ong•aia ine aganengon, mitamrangde iako China a•song baksa nanggriksimengani gimin tarisamsoanisa ong•engaha ine agantokskaenga.
Ia ELF-rangko Indian Air Force, sorkarini kamko ka•enggipa dingtang dingtang (agency) dolrang baksa a•songni dingtang dingtang biaprango kuliaha aro ian nanggitikan somoirango aro mongsongbate dakgrikani somoirango military aircraft-rangna onchonggitikna tarisamsogimin biaprang ong•a.
ELF-rangko a•bachengatani bidingo da•o dipet IAF maming talatanirangko on•kujaengoba da•ororo India aro China a•songni gisepo nanggriksimanirangko nikna man•engani gimin ian manderangni gisiko sing•anirangkoba ong•katatskaenga.
Ru•utbea bilsirangonin India aro China a•song damgnini simarango so•sojengjeng ong•anirangko nikna man•engachim aro adita salrangna skangmangmang a•song damgnini gisepo nanggrikanirangko nikna man•taiahani gimin a•song damgnini gisepo dakgrikanikoba manderang niksamsotokskaengahachim.
A•songni dingtang dingtang biaprango ELF-rangko, C-295 MW, Tejas, Jaguar, An-32, Mi-17 V5, aro Cheetah gita dakgipa aircraft-rangna tarisamsoaha.
Na·simang ia video-koba nina man·gen:
Na·simang iakoba poraina man·gen: Re•baenggipa General Election aro dingkarini heat wave bidingo chanchirimaniko dakna, PM tom•bimonganiko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
