Shillong, Dec 12: All EMRI Worker Union jean 108 service-ni ning⋅o kam ka⋅achim uamang a⋅dok sokarini GVK baksa soi ka⋅grikaniko ra⋅galchina dabianiko sonibal salo dakangaha.
Shillong songjinmao kobor ra⋅timgiparangna All EMRI Worker Union -ni President Microlena Syiemlieh-ni agana gita, Uamang bilsignina skangan memorundumrangko gitcham aro da⋅o ong⋅enggipa Health Minister-na on⋅ahachim indiba maming aganchakanikon man⋅kujaengani gimin suk ong⋅jae antignina somoi on⋅gen indiba uni ja⋅mande sorokrangona re⋅ongkate uamangni dabianiko knachakuja dipet jegalaniko dakgen ine aganaha. Chinga GVK-o ka⋅dongna man⋅jajok unigimin sorkari uamang baksa soi ka⋅grikaniko ra⋅gale sorkari jako ra⋅na nanga ineba ua aganaha.
GVK pilak sorkari baksa tik ka⋅grike dongimin niamrangkoba ja⋅rikja aro chingni kamni kri man⋅a nanggiparangko on⋅ja unigimin sorkari uamang baksaa soi ka⋅grikaniko ra⋅galna nanga ong⋅jaode antignini gisepo chingni dabianiko knachakjaode chinga sorokona re⋅angna draako man⋅gen ine All EMRI Worker Union -ni Public Secretary Joseph Pyngrope agandapaha.
