Guwahati, July 15: Indian Army aro Royal Thailand Army-ni gisepo nangrimaniko mangrakbatatna Exercise MAITREE 2024-ko Thailand-ni Tak Province-o ong•atgipa name matchotaha.
Ia manianio, Royal Thailand Army-ni 4th Infantry Division-ni Commander, Major General Narongrit Panikabutr mongsonggipa sokgipa ong•e tom•aniko mikkim gnangbatataha. Indake India-oni, Thailand baksa Defense Attache ong•enggipa, Group Captain Brijesh Paul, dal•gipa sokgipa ong•e bak ra•angskaaha.
Major General Narongrit Panikabutr, ia program-ko ong•atanio dolgni army sipairangni gisiko nange aro on•kange an•tangtangni changa sapaniko mesokangahanina de•mitele aganangaha.
India aro Thailand a•songrangni gisepo chel•chaksogipa dolrangni nangrimgrikaniko mangrakbatatna ia Exercise MAITREE-ni mongsonggipa ong•e kam ka•ani gimin ua talate on•angan baksa, a•song gnini gisepo tom•tomaniko rakkina a•doktangtango chel•chaksoengon uamangni chagrongna nanggipa a•selrangni giminba aganangjolaha.
Ia nangrime ong•atanggipa training program-o, silchidare-rangni gimin, sal wal silai goani, rappelling, buringo naljoke janggi tangani cholrangni gimin, ramako nie jahasrangko choani gimin, saksa sakgipin baksa agangrikna ranta ka•aniko skie on•ani, saknaa man•gipa sipairangna first aid-ko on•ani aro saknaa man•giparangko naljokate rimongkatani gimin skie on•an baksa dakmesokeba mesokangaha.
Iarangko dakanichi, bak ra•enggiparangni changa sapaniko bariatasan ong•aigija, India aro Thailand a•songrangni chel•chaksoenggipa Army-rangni gisepo meli nangrimgrikaniko mangrakbatata.
Indake, ia program-ko Royal Thailand Army-ni soka chaksoanina Indian Army Contingent-ni Contingent Commander Lieutenant Colonel Mandan Ojha, mitelpilskaaniko dakangaha.
Ia program-o dolgni Army-rangni bil gnange an•tangtangni u•i ma•siani aro changa sapaniko mesokangaoniko dolgnian namgnirangko man•rikaha ineba ua janapataha.
Na·simang ia video-koba nina man·gen:
Na·simang iakoba poraina man·gen: Goalpara-o bilsi 50 ong•gipa bading chiwalgipa saksako goe so•ota
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
