Tura, March 16: GNLA dolko a·bachengtaiengaha ine a·kange social mediao GNLA-R ine group kuligipa sak 3 manderangko Sonibar salo police rim·aha. Rim·a man·gipa sakgittaman rempa chempa gundarang, jemangan manderangoniko tangka dabianirangko bak donggiparang ong·toka ine policeoniko kobor man·aha.
Goera Pantora minggipa, an·tangko GNLA-R dolni chairman ine, February 22 tariko Facebook-o uamangni dolni gimin seataha. Uano pangchake police sandirikkitaniko a·bachengaha aro uamangko West Garo Hills aro North Garo Hillsni bakrangoniko rim·na man·aha.
Uamangko rim·e sing·on, Facebook-o page kuliako uamang ku·rachakaha.
Rim·a man·gipa manderanga Sengsrang N Marak, Thosengcheba A Sangma aro Chijang A Sangma ine u·ina man·aha.
Rim·a man·gipa manderangoniko SIM card gnang mobile phone-rangko, laptop, lekka pal·takrang, aro All Garo Hills Merchants Association-ni bimingo tarigipa lekka pal·tak king 6ko man·aha.
GNLA dol daktaiengjok inon manderang jajrengtokna a·bachengahani gimin, uarang manchoksrapgijan kam ka·na ine police ta·raken kam ka·aha.
Da·o ong·enggipa Garo Hillsni obostarangko niate aro police dolni jaksrapako nigrikate, GNLAni bilakmiting salrango uamangko dakgrikna jako ra·gipa adita police official gitchamrangni chanchiani gitade indakgipa dol ong·katpilna kraa aro ka·donganiko nikatja.
“Garo Hillsni buringrangko SF-10 commando-rangan sason ka·aha aro napram ong·katran pilakkon namedake u·imanaha. Dongnue chaknan biap dongjaha aro chingni bil da·ode skangona changgni bataha. Uni gimin silchidare de·gipa gital dol ong·katanide ong·na amgijani ong·a” ine a·gipi IPS officer saksa, bimingtangko parakgija, aganaha. “Iachi uachi ong·gijagipa manderangsa militant dolni bimingo tangka nanagri man·na chanchie iarangko dakengakon” ine ua aganchotaha.
Na·simang iakoba poraina man·gen: Songdu chibimao choruraani cholrangna Shipping Ministry Rs 645 krorko jakkalgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
