Guwahati, Feb 14: Mingsa aiao inmanbegipa obosta ong•anio, Assam Dhekiajuli-ni mande saksako, Facebook comment-o ‘Haha’ react ka•anina Kokrajhar court-o mikkangpaataha.
Ia mandeara, Dhekiajuli-ni Amit Chakraborty minggipa ong•achim aro uni kosako IAS officer aro Kokrajhar-ni gitcham Deputy Commissioner Varnali Deka, mokordoma ka•ani ja•man, uko Sukrobar salo Kokrajhar district court-ona okamataha.
Koborko on•ani gitade, ia IAS officer-ni Facebook post-o Naresh Barua minggipa mande saksa, ‘Da•alde nang•ni mikkangko tarijama madam?’ ine comment ka•ahachim. Ia comment-na Amit Chakraborty, ka•dingani chinko mesokaha aro uandaken iani bidingo IAS officer, ia mandeni kosako mokordoma ka•doangaha.
Mokordoma ka•ani ja•man Kokrajhar police station-o case-ko segataha aro Sukrobar salo uko, Kokrajhar district court-o mikkangpaatenba, ia mande jaminko ra•na nangaha.
Ia obostani bidingo kobor ra•timgiparang baksa agangrikengon, Facebook post-o ua ‘haha’ react-kosan ka•aiahachim indiba da•alo ka•dinganina ua jaminko ra•na nangaha ine Chakraborty parakataha.
Ian 2023 bilsini case-sa ong•achim indiba ia bilsini January 23 tarikosa uko Kokrajhar Police Station-ni officer-in-charge, phone ka•atenba, police station-ona re•bachina aganataha ineba Chakraborty aganaha.
“Ia case-ni bidingo sing•on ua angna mamingkoba aganjaha indiba ja•mano Kokrajhar-o ukil ka•enggipa angni ripeng saksasa ia case-ni gimin angna ma•siataha. Sawa deputy commissioner ong•enga ukoba anga ma•sijachim. Ia chonbegipa kamna saksa IAS officer ong•e maikai ua iandake ja•kuko de•e rona somoiko man•aha anga ma•sija. Facebook-o ka•dinge react ka•anamangmang anga indita sinjetaniko chakna nangaha. Naresh Baruah minggipa mande saksani comment-nasan anga ka•dingani chinko mesokaiaha indiba ia case-ni bidingo mamingkon gisik ra•jaha,” ineba ua aganaha.
Na·simang ia video-koba nina man·gen:
Na·simang iakoba poraina man·gen: Minister-ko so•ota ine koborko seanina ‘The Garo Hills Times’-ni kosako FIR ka•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
