Guwahati, Mar 28: A•dokni chol man•pagijagipa chadamberangni gimin tarigipa ‘Fehujali’ jawilwatko, 7th New Delhi Film Festival 2024-ko Bristibar salo manianio film kal•giparang aro jawilwal nina namnikgiparangni dongpaanio mesokaniko dakangaha.
Ia jawilwat, Best Short Documentary award-koba man•angaha.
Indake, ‘Fehujali’ jawilwat-ko Assam-ni Director General of Police produce ka•aha aro Dr. Parthasarathi Mahanta, IPS, direct ka•angskaaha.
Assam-ni Director General of Police, GP Singh, IPS, “A•dokni bang•a me•a aro me•chik chadamberang cholrangko man•jani a•seli, bobil dolrango bakrimenba niamgri badingsrukanirangko dakenga. Chinga iandakgipa chadamberangni janggi tanganiko mesokna chanchiaha aro iandakgipa chadamberangni neng•nikanirangko aro apsandakgipa janggi tangaoniko chagronggni chadamberangna mikrakataniko on•a miksonge ia kan•dikgipa jachipchangko tariani ong•a” ine aganaha.
“Ia documentary film-o a•dokni chadamberangko kragijagipa kamrangko ka•anio draataniko, jekai, tangka paisa gita mikbokatani aro uandake gipin namgija kamrango ja•ga nangataniko mesoka. Indake, India a•songniko Assam-ko jakgitel ong•atna mangsonge, ong•gija ramako jakkale a•doktangna warachakaniara ong•gramaianisan ong•aia ine uamangni u•ianiko sakgipinrangna talate on•skaani ong•a” ine Director Dr. Mahanta aganaha.
Ia kan•dikgipa documentary film-ko, pilakan namniktoke de•mitelaniko dakangtokaha.
Na·simang iakoba poraina man·gen: Sakgni me•chik bi•sarangko drae til•ekanio jak donggipa sakgni manderangko rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
