Shillong, May 31: Bristibar salo, NEIGRIHMS-ni College of Nursing-o poraienggipa, 2nd year M.Sc. Nursing chatrirang, “Escape to Safety” ine katta bichongko donenba Fire and Safety Mock Drill-ko, Multipurpose Hall-o ong•atangaha.
Ia program-o, College of Nursing, NEIGRIHMS-ni Principal baksana Professor ong•enggipa Prof. Nochovono Tase aro Hospital Administration aro Deputy Medical Superintendent ong•enggipa Asst. Prof. Dr. Saurabh Singh, wa•al kamani somoio simsake aro naljoke dongani gimin ning•tue u•ie ra•ani gamchatani gimin talate on•angaha.
M.Sc. Nursing chatrirang, wa•al kamani somoio naljoke dongani nangchongmotgipa katta japangrangko ra•e dakmesokaniko dakangaha, chong•motan, wa•al kamani somoio gimik dakgni kamrangko, wa•al kamani bakrang, fire extinguisher ba wa•al kimitani bostuko kragipa bewalo jakkalani aro mock drill ba dakmesoke mesokani gamchatani gimin uamang dakmesokaniko dakangaha.
“Iarangan naljokanina nangchongmotgipa skill-rang ong•a jekon, mock drill dakanichi sakantinan gipatna nanga, mongsongbate Educational Institution-rango dakmesokna nangbatenga. Wa•al kamanina tarisamsoe simsake donganichi bang•a janggirangko jokatna man•a aro kraa skie on•anirangko dakanichi iandakgipa a•selrangko mikkangchakna amgen” ine NEIGRIHMS-ni Director, Prof. Nalin Mehta aganaha.
NEIGRIHMS-ni Fire Guard, Shri B. K. Barman, chatrirangni Fire and Safety mock drill ba wa•al kamani somoio maikai naljoke dongna gita nangachim, uarangko dakmesokanina nama agan ku•pattipilaniko dakangskaaha.
Ia fire and safety mock drill-ko dakanichi, NEIGRIHMS-ni chatrirang aro pilak bak nanggipa manderangna, wa•al kamani somoio simsake aro naljoke dongani gimin gamchatbegipa skie ra•ani cholko man•angaha.
Na·simang ia video-koba nina man·gen:
Na·simang iakoba poraina man·gen: SGH-o World Environment Day 2024-ko maniani bako skulni chatro chatrirangna susaanirangko ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
