Shillong, Dec 20: Budhbar salo, Federation of Medical & Sales Representative Association of India (FMRAI) aro North East-oni Centre of Medical and Sales Representatives Union (CRU)-ni gita, pilak Medical aro Sales Representative-rang, Shillong songjinmao salsani Country Wide Strike-ko ong•atangaha.
Ia strike-ko, ming 8 dabianirango pangchake ong•atani ong•achim. Indake ia ming 8-oni, ming 5 dabianirang Ma•mong sorkarina aro ming 3 dabianirang manderangko kamo rakkigiparangna ong•achim.
Ma•mong sorkarini kosako ming 5 dabianirangara, Sales Promotion Employees, Act 1976-ko naljoke ripingani, Sales Promotion Employee-rangna kam ka•na gita mangrakgipa niam ba ge•etanirangko krae on•ani, pilak Medical Reresentative-rangko sorkari hospital-rango napna champenganirangko ra•galani aro uamangko kam ka•na bil on•a gita ku•rachakaniko on•ani, sam aro sanna bananio jakalenggipa ostro-rangni damko komiatani aro GST-ko ra•galani aro pilak data-rangko parakgija donanian ong•achim.
Indake, manderangko kamo rakkienggiparangni kosako ming 3 dabianirangara, drae kam ka•ataniko dontongatani, kam ka•e cha•enggiparangko ja•kol sanne sriksrik nianiko dontongani aro kam ka•chakram biaprango maming champengagri napna on•a gita ku•rachakaniko on•anirangan ong•achim.
A•song-oni gipinrang gita apsandake, kam ka•e cha•enggiparangni namgnina, salsani Country Wide Strike-ko ong•atanio Shillong-ni CRU-ba bakrimaniko dakan baksa chakpaanikoba mesokangaha.
Iakoba poraie nina man·gen: Tamil Nadu-o chi banna re•anio jachange dongenggipa manderangna IAF dakchakaniko on•a
Watch
