Tura, Oct 20: Game ge•e cha•enggipa manderangni namgnina a•dok sorkarini ra•gatgipa FOCUS program-ni namgniko songadam nokadamrango donggipa producer group-rangsan ong•aigija jillarango donggipa producer group-rangba ra•na man•gen ine Bristibar salo, Meghalaya a•dokni Chief Minister Conrad K Sangma parakataha.
987 producers of Baghmara, South Garo Hills were given financial assistance of ₹9.87 Lakh through FOCUS+
FOCUS+ is an extension of Meghalaya’s biggest farmers welfare program ‘FOCUS’. The two schemes will give our farming households a financial advantage of ₹10,000@nstomar pic.twitter.com/iOjXkYMrBF
— Conrad Sangma (@SangmaConrad) October 20, 2022
South Garo Hills a•jani Baghmara-o game ge•e cha•enggiparang, chadambe dolrang aro dingtang dingtang gadangni manderangna aganprakatengon, jillarango dingtang dingtang kamrangko ka•e cha•enggipa manderangba producer group-rangko bikote, FOCUS program-ni namgnirangko ra•na man•gen ine Chief Minister parakataha.
Ia program-ko ong•atanio ua FOCUS-ni cheque-rangko aro FOCUS plus-ni card-rangko suale on•angan baksana YESS program-ni ning•o dingtang dingtang chadambe dolrangnaba cheque-rangko suale on•angjolaha.
Ia apsan salon a•dokni Chief Minister, PROGRESS scheme-ni namgniko man•enggipa manderangnaba wak bi•sarangko aro kuroiler do•o bi•sarangko suale on•angaha.
Ia tom•anio self help group-rangchi bikotgipa village organization-rangnaba ua community investment fund-rangko suale on•angaha.
Ia bilsimangmangon South Garo Hills a•jao community investment fund-ni gong crore 2.15 tangkarangko suale on•angaha.
