Shillong, Mar 30: Robibar salo, Mary Help of Christians Cathedral-o Father Bernard Laloo-ko Shillong Archdiocese-ni Auxiliary Bishop songaha.
Fr Laloo-ko India aro Nepal-ni Apostolic Nuncio Leopoldo Girelli, Auxiliary Bishop songaha aro ia tom·bimonganio, Archbishop Victor Lyngdoh, dingtang dingtang dilgiparang aro Catholic bebera·giparang bak ra·angtokaha.
Fr Laloo-ko Auxiliary Bishop songani bidingo ia 2025 bilsini February 8 tariko Pope Francis parakataha aro uandaken uko Robibar salo Auxiliary Bishop songaha.
Bishop Bernard Laloo, 1976 bilsini June 16 tariko Laitlyngkot-o atchiaha aro uko 2006 bilsini April 30 tariko Father songaha. Uni Archdiocese-na dangdike on·anggipa bilsirango ua Upper Shillong-o donggipa St Paul’s Church-ni Assistant, Shillong-o donggipa Christ the King College-ni Administrator, Shillong-o donggipa St Paul’s Seminary-ni Dean of Studies, Laitumkhrah-o donggipa Divine Saviour Higher Secondary School-ni Principal, Shillong Social Service Centre-ni Director, aro Archdiocese-ni Chancellor ong·eba dangdike on·angaha. Laitumkhrah-o donggipa Mary Help of Christians Cathedral-oba ua Parish Pamong ong·e kamko ka·aha.
A·gilsakni seng·aniko ra·anioba Bishop Laloo, Education-o Bachelor’s degree aro Sociology-o Master of Arts-ko matchotgimin ong·a. Una agreba ua Counselling Psychology-o Post Graduate Diploma-ko man·aha.
Mondolini kamrango bang·en dangdike on·gipa ong·an baksana ua Meghalaya sorkarini Farmers’ Commission aro State Tuberculosis Co-morbidity Coordination Committee-oba membor ong·e kamko ka·aha.
Bishop Laloo-ko Auxiliary Bishop songanio, Meghalaya a·dokni Chief Minister Conrad K Sangma aro Deputy Chief Minister Prestone Tynsong-ba dongpae bak ra·angaha aro Bishop Laloo-na namgipa skanirangko on·angaha.
Na·simang ia video-koba nina man·gen:
Na·simang iakoba poraina man·gen: Kamakhya Express rel gari Odisha-o a·sel ong·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
