New Delhi, June 18: India a•songo COVID-19-ko mikkango donge warachakenggipa lak 1 manderangna jagittamni gisepo dingtangmancha training-ko on•na gita ‘Customized Crash Course’ program-ko Sukrobar salo, a•songni Prime Minister Narendra Modi, internet gita a•bachengate on•angaha.

Prime Minister-ni u•iatani gitade, India a•songni ning•o donggipa a•dokrang aro union territory-rangni nangnikani gita ia mingdok course-rangko a•songni u•i-ma•sibatsranggipa manderang tariaha aro ia course-rangko dam 26 a•dokrangni ning•o donggipa dam 111 training centre-rango skie on•anggen.

Ia training ba skie on•aniko COVID-ko warachakenggiparangna mingdok kamrang, chong•motan Home Care Support, Basic Care Support, Advanced Care Support, Emergency Care Support, Sample Collection Support aro Medical Equipment Support-ni bidingo on•anggen.