Shillong, April 16: G20 Space Economy Leaders Meeting (SELM)-ko re·baenggipa July jani 6 aro 7 tarikrango Bengaluru songjinmao sokachakna siengon, ia tom·bimonganiko opraksamsoani gita April-ni 17 aro 18 tarikrango dingtangmancha G20 precursor meeting ba tom·aniko Shillong songjinmao sokachakskaenga.
Shillong songjinmao ia G20 tom·bimonganiko April-ni 17 tarik Sombar salo, Hotel Courtyard by Marriot-o a·bachengatanggen aro ia tom·bimonaniko a·bachengatanio Meghalaya a·dokni Chief Minister Conrad K Sangma, Union Finance Minister of State Pankaj Chaudhury, Union Science & Technology Minister of State Jitendra Singh aro dingtang dingtang dilgiparangba bakko ra·anggen.
