Tura, June 5: West Garo Hills a•jani Gambegre Block ning•o donggipa Chenggapara songoba Sombar salo, World Environment Day-ko maniangaha aro ia salko manianio Chenggapara skulni chatro chatrirang, skigiparang aro songni nokni manderangba bakko ra•angtokaha.

Ia World Environment Day-ko convenor ong•e manidilanio Bostone M Sangma, jinmana aganprakangengon, bol wa•arangan mandena namgipa rang•sitani balwako on•na man•gipa ong•ani gimin ia World Environment Day-ko manianiosan ong•aigija ia June jagimik aro gipin salrangoba bolrangko ge•angkuchina gita skulo poraienggipa chatro chatrirangko aro songni nokni manderangko didiangaha.