Tura, Nov 13: Gambegre Assembly constituency-ni bye-election-na sikdepe pu·onani Budbar attamo tom·tome matchotangaha aro ia constituency-ni dam 51 polling station-rangon pu·onaniko attam 6:00 bajio matchotatanio pu·onani gimik 90.84 gapangaha.
Gambegre bye-election-na pu·onaniko Budbar pringo a·bachengataonin bang·bea manderang, an·tangtangni gital MLA-ko seokna gita gisiko nangbee polling station-rango riting daktokaha aro ia chang Gambegre constituency-o manderangni gisiko nangbate bak ra·anikoba nikna man·aha.
Gambegre constituency-ni gitcham MLA Saleng A Sangma, ia bilsini a·bachengachibara Tura Lok Sabha MP-na seokako man·e MLA ong·aniko watna nangahani gimin ia bye-election-ko ong·atna nangahachim.
Gambegre constituency-ni dam 51 polling station-rango sak 32,000-na baten voter-rang donga aro ia bye-election-o sakdok candidate-rang susaangaha.
Ia sakdok candidate-ranga, Meghalaya Chief Minister Conrad K Sangma-ni jikgipa aro NPP-ni candidate Dr Mehtab Chandee A Sangma, gitcham Minister Zenith Sangma-ni jikgipa aro TMC-ni candidate Sadhiarani M Sangma, BJP-ni candidate Bernard N Marak, INC-ni candidate Jingjang M Marak aro Independent candidate sakgni, chong·motan Sengkrabirth Ch Marak baksana Jerry A Sangma ong·a.
Pu·onaniko a·bachengachibara, adita electronic voting machine (EVM) aro voter verifiable paper audit trail (VVPAT)-rang nosto ong·ana agrede salgimikan maming neng·nikani gri ia bye-election-ko tom·tome matchotatna man·aha.
21-Marapara aro 50-Upper Darenggre polling station-rango iandake VVPAT-rang kam ka·jahaoba ta·raken ia VVPAT-rangko te·srena man·aha aro apsan daken 39-Rongkon Songgital polling station-oba VVPAT-ko te·srena nangaha. 51-Dilnidura polling station-oba EVM kam ka·jahani gimin ta·raken EVM-ko te·srena nangaha aro 2-Aminda Simsang-oba CU, BU aro VVPAT-ko te·srena nangaha.
Gambegre bye-election-ni vote-rangko re·baenggipa November 23 tariko changen aro apsan salon result-koba parakatgen.
Na·simang ia video-koba nina man·gen:
Na·simang iakoba poraina man·gen: Meghalaya-ni Debasmita Dutta, Senior Women’s T20 Challenger Trophy-o India C dolna kal•na gita seokako man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
