Tura, Oct 13: Dalu-oni Gambegre-ona dakanggipa ramao, Wansing Bazar-oni Dorrenge songona km 5.5 ong·gipa ramako tarina a·dokni Chief Minister Conrad K Sangma niangaha.
Ia ramako niangani ja·man songni manderang baksa agangrikengon, ia ramako tarichina songni dilgiparang nangniktokahani gimin ua ramako niangaha aro ia ramara Tura jillaoniba sepangani gimin songni manderangna namen mongsonggipa rama ong·a ine Chief Minister aganaha.
Ia ramako tarina gita PWD department, detailed project report (DPR)-ko tarimanaha aro bakan ia ramako tarina a·bachenggnok ineba Chief Minister parakataha.
Chief Minister-ni aganani gitade, ia ramako tarina gimik gong crore 5.56 tangkarangko sorkari chamataha.
Ia tom·anio songni manderang, Chisakgre sub-centre-na rikdapenggipa building-ko matchotgija galchipahani giminba Chief Minister-na u·iataha aro manderangni namgnina ia building-ko rikna a·bachengatpiltaichina aro matchotate on·china mol·molataha.
Ia songna transformer-ko nangenga aro Wansing Bazar-o anti cha·chakani nokko rike on·china ineba songni manderang, Chief Minister-ko mol·molataha.
Ia pilak nanganirangkon niatna gita Chief Minister ku·rachakaniko on·angaha aro Wansing Bazar-o Market Shed-ko rikna gita Chief Minister’s Development Fund-oniko tangka paisarangko chame on·na gitaba ua ku·rachakaniko on·angaha.
Na·simang ia video-koba nina man·gen:
Na·simang iakoba poraina man·gen: Shillong-ni OB Shopping Mall-o wa•al kama
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
