Shillong, July 2: West Garo Hills a·jani Gambegre songo MBoSE-ni porikako sechakatna a·dok sorkari miksonganiko parakataha.
Ia jaku de·ani miksonganira ritchani ritcha Gambegre aro uni wilwilao songdonggipa chatro chatrirangna uamangni porikako seanio chel·e songreaoniko naljokata miksonge chanchiani ong·a.
Gambegre aro uni wilwilao songdonggipa chatro chatrirang ru·utbea bilsirangonin porikarangko sena chel·e songreenba porikarangko seanio nengnikanirangko man·engachim, ua jolo songdonggipa manderang ru·utbea bilsirangonin uamangni sepango porika sechakram biaprangko on·china dabianirang dongachim.
A·dokni skotong Minister, Sombarslo education department aro MBoSE-ni official-rangbaksa tome chanchirimaha aro ua jolo gital porika sechakram biaprangko songna miksongenba a·damrangko sandichina didianikoba dakangjolaha.
Ia namgipa koborko man·soani jaman songdonggipa manderang “Ian chingni dedrangna namen dingtanganiko rabaginok” ine ma·a paarang kusi ong·aniko janapataha.
“Da·ode chingni bi·sarang uamangni porika sechakram biapona sokangna jajrengani dongjawaha. Chele songrenaba nangjawaha, gisikni nengnikaniba dongjawaha,” ine uamang kusi ong·beenba janapataha.
Education department, nangchongmotgipa on·gimin niamrangko jarikenba porikako sechakram biapna a·damko sandianiko dakanggen ine ku·chakanikoba on·nangaha.
Ia jakude·aniara songtangona skia poraianiko tangdoatna gamchatgipa aro nambegipa chol ong·aha ine nikna man·naha.
Na·simang ia video-koba nina man·gen:
Na·simang iakoba poraina man·gen: A•dok sorkari huro-rangko apjitatna tik ka•a dongkuja : Conrad
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
