Shillong, June 27: NPP dolni Padot aro Skotong Minister Conrad K Sangma-ko grongna, Garo Hills-o NPP dolni a•gipi batgipa dilgiparang Shillong dogitikangenba, Congress MLA Saleng A Sangma-ni Tura Lok Sabha seat-o cheani a•sel, Gambegre seat-ko watanggipa biapo susaatna krabatgipa candidate-rangni bimungko on•a re•angaha. NPP dolni ticket-o susana NPP-ni dilgiparang aro minister-rangko ra•e sak 10 dorgasto galgiparang gnang.
Budbar attamo, Shillong-o Skotong Minister Conrad K Sangma-ni dongchakram noko ong•atgipa tom•anio, party ticket-na dorgasto galgipa sak 10 manderangba party-ni seokaniko ra•chakenba susana seoka man•gipa candidate-na chakpaaniko on•gen aro chu•sokgipa ong•atna krenge kamko ka•gen ineba ra•chakangaha.
Indake ong•engon, da•o ong•enggipa aro gitcham MDC-rang baksana NPP dolni dilgiparangko krabatgipa candidate-rang ine nikengon, party-ni ning•o mongsonggipa ong•e kam ka•gipa dolrangni aganani gitade, Gambegre seat-ko Congress doloniko ra•sekna gitade mikkang gital aro bilakgipa candidate-kosa da•o nangenga.
Bilsi 47-ni jamano, P A Sangma sagi-ni nokdangoniko, Tura Lok Sabha seat-ko man•a dipet-onin Congress dol tangchabapilengaha.
Ia indakgipa somoio, party-o mongsonggipa ong•e kamko ka•enggiparangni aganani gitade, Skotong Minister Conrad K Sangma-ni jikgipa Mehtab Chandi A Sangma-ko candidate ong•e susaaniko namniktokengachim. Skotong minister Conrad K Sangma-ni bilsi 39 ong•gipa jikgipan, Gambegre-o chakatna gita gital mikkang ong•an baksana maming politics-ni gitaba bak dongpajachim.
Party-ni gita, Mehtab Chandi A Sangma-ko seaokgenchim ong•ode uan NPP-ni gita, uni mikkang chakgipa opposition dol Trinamool Congress-ni candidate, jean Dengnakpara-ni ong•enggipa MDC aro Zenith Sangma-ni jikgipa Sadhiarani M Sangma baksa susagrikna nambatgipa candidate-ba ong•engachim. Sadhiarani M Sangma, re•anggipa bilsini Gambegre assembly polls-o 2-gipa ong•rikahachim. Iani gisepon, Williamnagar-ni MLA aro da•o ong•enggipa Congress-ni working president Deborah Marak-ba Congress-ni kragipabatgipa candidate ong•enga.
NPP dolni ticket-o susana kragipa candidate-rangara, Nogorpara constitution-ni MDC Linekar K Sangma aro Babelapara-ni MDC Rakesh A Sangma ong•enga. Indake ong•genchimoba, re•anggipa bilsio Saleng A Sangma-ni jakchi amchepatako man•enba politics-o chakatpiltaina neng•nikani ong•enga.
Agatha K Sangma-ko lakh 1.55 vote-rangchi Saleng Sangma-ni amatani gimin ia chango NPP dolrang namrenge ra•jawaha, maina ian, Conrad Sangma aro NPP-na namen gamchatbegipa susaani ong•enga.
Na·simang ia video-koba nina man·gen:
Na·simang iakoba poraina man·gen: Amrit Sarovars Initiative a•dokni buringrango chi ripinganiko bariata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
