Shillong, June 28: Gambegreo MLAna eleksin ong·nasienggipani bidingo partyni manderangni gisepo maming meligrikgijanirang gri ine National People’s Party-ni dilgipa Conrad K Sangma srangsrang aganaha.
“Chingni nokdango maming meligrikgijanirang gri” ine Conrad Sangma Sukrobar salo kobor ra·timgiparangna aganaha.
Gambegreo MLAna susaani bidingo NPP party ticketko CMni jikgipa Mehtab Chandee Sangmana on·na am·enganiko CMni adatang James Sangmaba susana sikani gimin namnikjaenga ine manderangni golpoako jegale CM aganaha. Uano chakatna sak 7-8mang manderangni bimingrang nadoenga indiba uamang pilak baksaan agangrikmanaha ineba ua agandapaha.
“Kakketko aganode salgnina skang mangmang chinga tom·aniko ong·ataha. Biming nadoenggiparang susana sikenggipa ba sikjaenggipa ong·naba donga, indiba uamang sakantiko sing·e partyni tik ka·aniosa pangchakaianiko agantokaha.”
“Uni gimin partyni manderang ku·cholsan ong·e tik ka·grikaona sokaha aro da·o block levelming district level aro songrangni gita koborko ra·grikenga. Uarang matchotahaode state committee parakatgnok.”
Na·simang ia video-koba nina man·gen:
Na·simang iakoba poraina man·gen: Right to Public Services Act-ni bidingo awareness program-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
