Williamnagar, Oct 18: Sukrobar salo, Meghalaya a•dokni PHE Minister aro Williamnagar-ni MLA Marcuise N Marak, East Garo Hills a•jani Samanda, Songsak aro Dambo-Rongjeng Block-ni ning•o game ge•e cha•giparangna aro producer group-rangna FOCUS-ni cheque-rangko Williamnagar-ni DC Park-o suale on•angaha aro ia cheque-rangko suale on•na program-ko ong•atanio, East Garo Hills a•jani Deputy Commissioner Vibhor Aggarwal, ADC Ripamchi N Sangma, block damgittam-ni BDO-rang aro dingtang dingtang department-ni official-rangba dongpae bak ra•angaha.
Ia program-ko ong•atanio, a•dokni PHE Minister, tom•anio bak ra•giparangna aganprakangengon, a•doko songdongenggipa manderangni mongsonggipa janggi tangani cholera game ge•e cha•anian ong•ani gimin Meghalaya sorkari, game ge•e cha•enggipa manderangna tangka paisani gita dakchakanirangko on•enga ine parakangaha.
Meghalaya a•dokko 10 billion dollar economy ong•atanian Chief Minister Conrad K Sangma-ni niksamsoani ong•engani gimin game ge•e cha•giparangni aro producer group-rangni man•dapanirangko bariatna gita sorkari dingtang dingtang ja•kurangko de•angkugen ineba ua aganaha.
A•doko gama ge•ani kamrangko tang•doatna gita sorkarini ra•gatgipa dingtang dingtang scheme aro project-rangni gimin talataniko on•angengon, Chief Minister-ni niksamsoaniko chu•sokatna gita sorkarini on•enggipa tangka paisarangko name jakkalchina gita Marak, game ge•e cha•giparangko aro producer group-rangko didiangaha.
Ia tom•anio East Garo Hills a•jani Additional Deputy Commissioner Ripamchi N Sangma-ba jinmana aganprakengon, FOCUS program-ni ning•o East Garo Hills a•jani dol 464 producer group-rangna Meghalaya sorkari, tangka paisani gita dakchakanirangko on•aha aro gama ge•ani kamrango dingtanganiko East Garo Hills a•jaoba nikna man•engaha ine aganaha.
Ia salni bako a•dokni PHE Minister, CM Impact Program-ni ning•o Williamnagar-ni wilwilao donggipa dingtang dingtang skulrangna guide book-rangkoba suale on•angjolaha.
Na·simang ia video-koba nina man·gen:
Na·simang iakoba poraina man·gen: Da•alni OC Blue SPL 2024 kal•susaanio Ryntih FC aro Shillong Lajong FC chegipa ong•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
