Shillong, Oct 7: Meghalaya Regulation of Gaming Act 2021-ko ra·galchina Nokgipa Isolo apsan bi·rimna gita Sukrobar salo, Khasi Jaintia Christian Leaders Forum (KJCLF)-ni tom·aniko Shillong songjinmani KJP Assembly Chapel hall-o ong·atangaha.
Ia Meghalaya Regulation of Gaming Act 2021-ko ra·galpilchina gita KJCLF, a·dok sorkariko didiengkuachim ine nikna man·a.
KJCLF-ni secretary Rev Edwin H Kharkongor-ni parakatani gitade, uamang iani bidingo jingjengatanirangko dakgija, ia Act ba niamko ra·galna gita a·dok sorkarina bi·chakskaenga.
A·doko casino-rangko kulina manchianiko sorkari dontongatpilaha ine a·kangengoba kamrangko dontongsranga gita nikkujaenga ineba Kharkongor aganaha.
“Uni gimin chinga Nokgipa Isolo ku·cholsan ong·e bi·rimaniko dakskaenga aro a·doko Casino joa kal·aniko chipatsrange, ia Meghalaya Regulation of Gaming Act 2021-ko ra·galpilchina sorkariko mol·molenga,” ine Rev Kharkongor parakataha.
