Shillong, Aug 14: Budbar salo, Meghalaya a•dokni Chief Minister Conrad K Sangma, a•dokni Health & Family Welfare Minister M Ampareen Lyngdoh-ni dongpaanio, Babies’ Critical Care Unit (SNCU, NICU & MNCU)-ko Shillong songjinmani Ganesh Das Government Maternal & Child Health Hospital-o oprake on•angaha.
Ia Babies’ Critical Care Unit-ko kulie on•anganio a•dokni Chief Minister, tom•anio dongpae bak ra•giparangna aganprakangengon, a•dokni pilak health centre-rangon sanna bananirangko on•na cholrang donga aro dingtanganiko ra•baanide nokrangko rike on•ani ba ma•manti ostrorangko on•anisan ong•ja indiba mandeni dangtapanisa mongsonggipa ong•a ine aganaha.
Manderangna sanna bananirangko on•anio dingtang dingtang neng•nikanirangko chagrongna nanggenchimoba Ganesh Das Hospital-o dingtanganiko nikna man•enganiara namen ka•dongataniko on•ani ong•a ineba ua aganaha.
A•dokni gipin health centre-rangoba iandake dingtanganiko nikna ka•oksianiko chu•sokatna man•na gita iandakgipa golporangni gimin gipinrangnaba aganskana nanga ineba Chief Minister aganaha.
Budget-ni 9 percent-mangko an•seng baljokani kamrangna koros ka•enga ine janapatengon, mikkangchiba Ganesh Das Hospital-ko nambatatkuna sorkari pilak nanga dakchakanirangko on•angkugen ine Chief Minister ku•rachakaniko on•angaha.
2025 bilsini gisepon Shillong Medical College-ko aro 2026 bilsini gisepo Tura Medical College-koba a•bachengna man•na gita sorkari rakbee kamrangko ka•enga ineba ua aganaha.
Iana skang, a•dokni Health Minister Ampareen Lyngdoh-ba jinmana aganprakangengon, saenggipa mande sakanti aro bi•sa sakantian nambatgipa sanna bananirangko man•china aro tangka paisa nogotgrian sanna bananirangko ra•na man•na gita sorkari rakbee kamko ka•enga ine parakataha.
Sanna bananirangko on•enggipa manderangni neng•nikanirangko chel•chakna aro namatna gita sorkari kam ka•enga ineba Health Minister aganaha.
Na·simang ia video-koba nina man·gen:
Na·simang iakoba poraina man·gen: Panchayat Election-o BJP amgopa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
