Shillong, May 3: Shillong, Ganesh Das Hospital-o atchidaldal bi·sarangko done simsakanirangko on·chakgipa ba incubator chu·ongjani a·sel saksa Patlima Rani minggipani atchidaldal bi·sa, Mongolbar salpaksachibara siaha ine koboroniko knasona gita man·aha.
Ua atchidaldal bi·sara Nazareth Hospital-o siaha, indake ong·engon, ia obostani bidingo koboroniko knasoani gitade, bi·sani ma·gipa Ganesh Das Hospital-osa bi·sakode an·pakahachim, indiba bi·sa an·pakani ja·man ma·gipani be·en ning·o biji napaha aro ka·rongte sambaoniko sandie man·aha inenba bi·sani ma·gipakode sandapna gita rimnapangaha.
Iani ja·man, ma·gipani be·en ning·o biji nape donggipako gong·raken ra·ongkatjaode dingtang dingtang neng·nikanirangko man·naba gnang ine doctor-rangni agan-ku·pattani gimin uko bakan NEIGRIHMS-china ra·jitangskaaha ine koborko man·sodapaha.
