Tura, Apr 17: Mikkarang jime waanichi Ganol dam-oniko chi wate galna nangani somoirango, manderangna mikrakataniko on•na gita Ganol dam aro power house-o siren ge•gniko donaha ine MePGCL Ganol Civil Division-1-ni Executive Engineer u•iataha.
Executive Engineer-ni u•iatani gitade, Ganol dam-rangko wata changantian manderangna mikrakataniko on•na gita Edenbari-o donggipa Power House-o km 16 radius range-ni siren-ko aro Chibragre-o donggipa dam-o km 5 radius range-ni siren-ko donaha.
Mikkarang jime waon, dam nosto ong•jana gita chirangko wate galna nangronga aro chirangko wate galanio Ganol chibima ka•ma jolrango songdongenggipa manderangna kenchakna nanganirang ong•ani gimin MePGCL-ni official-rang, awareness program-rangko aro loud speaker-rangchi mikrakatanirangko on•aha ineba Executive Engineer parakataha.
Una agreba, dam-ni gate-rangko kuliani somoio manderangna u•iatna dingtangmancha MePGCL-ni official-rang, dam samba jolrango donggipa manderang baksa Whatsapp group-ko kuliaha ineba Executive Engineer u•iataha.
Dam-ni chirangko wate galengmiting somoirango rang•san chirang dal•ani cholrang donga ine manderangko skatang chisamrangona re•angjachina gitaba MePGCL-ni Executive Engineer mikrakataha.
Na·simang ia video-koba nina man·gen:
Na·simang iakoba poraina man·gen: Gomaijhora Irrigation Project-ko tangatpilanina Rajabala MLA mittelpila
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
