Shillong, Feb 19: Meghalaya a•dokni mongsonggipa chiring dilgni, chong•motan Garo Hills-ni Ganol aro East Khasi Hills a•jani Umiew chibisikrangko chel•chakna gita a•dok sorkari, gong crore 344-ko chamatmanaha ine Sombar salo, Meghalaya a•dokni Chief Minister Conrad K Sangma parakataha.
Assembly-ni Budget Session-o sing•anirangna aganchakaniko on•angengon, ia project-ko re•aggipa antio a•bachengataha ine Sangma parakataha.
Meghalaya sorkariba state water policy-ko ra•gatchenggipa sorkarirangoni dolsa ong•aha ine janapatengon, a•doko chiring chibisikrangko ripingna gita dingtang dingtang project-rangko a•dok sorkari ra•gataha ine Chief Minister parakataha.
North Eastern Space Application Centre (NESAC) baksa nangrime kamko ka•gipa a•dokrangoni Meghalaya a•dokba damsa ong•a aro ia sorkari dam 50,000 chibisikrangko wa•reng salmanaha ineba ua aganaha.
Meghalaya a•doko chirangko chimonge rakkina gita dam 400-500-na baten chi pokkrirangko rikna sorkari kam ka•engaha ine janapatengon, china neng•nikaniko namatna gita sorkari jotton ka•enga indiba climate change ba ding•a sin•anirang batroroengahani a•selan kamrangko ka•anio neng•nikanirangko man•enga ine Chief Minister aganaha.
Iana skang, Opposition dolni dilgipa Ronnie V Lyngdoh, Umiew chiringona jokbaenggipa chibisikko ripingchina gita sorkariko didiatengon, Umiew chiring samba jolrango a•ba o•e cha•engani a•selan chibisikko chel•chakanio neng•nikanirangko chagrongna nangenga ine parakataha.
Na·simang Iakoba poraie nina man·gen: Jaintia Hills-o medical college kulina agana dongkuja: Ampareen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
