Shillong, Dec 19: Krismasni gitrang samtangtangon gam·enga; ka·srokgipa sulrang gisikko de·chaoenga — Krismasko nichaksoe pilakchian katchaani, ka·srokani, an·sengsoanian gapa. Bilsi gimiko neng·giparangba rang·spita gita ia kario katchaani balwako ringtoka. Indiba indake an·sengkari ong·engon Shillong Police Bazar jolo gari changketako chagrongeode ka·tong ka·suangjola, mikkang dimelangpila.
Shillong songjinmani awen jawen daksimaigipa biapo da·o gitade mande bang·an peng·pat suat, bija timola gita; anti a·kang re·gipaan do·bak bilruraa gita. Rama dualrango ching·ret ching·chet nitoa, dokan a·damrang nina nitobea; samtangtango Krismas git gam·aan salgio meraenga gita daknikatpila. Indiba meja Me·gong Festivalo gari changketa gita dakako chakchikna man·gipasan ia pilakni nitoaniko cha·tote u·ina man·aigen!
Sako agangen, sako nipilgen —darangan iachi uachi dakenga; darangan nangatangna daarienga. Chakka ronggni tomtoma garirangde gisep siksep dakgipa gitan batseknasan batsekna — indake gari changketahaon Krismasna katchasoaniba dimelanga gita ong·pila. Indakgipa sal somoirango dakronga gitan, Shillong Traffic Police (STP) gari changketani olgrokatna maiba cholko dake on·na man·genma?
Da·o gita Shillongni soroko gari changketania mongsongbate damgni biaprango chibawile donga gita ong·ronga — Police Bazar aro Bara Bazar. Ia biaprango gari changketahaon Shillong songjinma gimikon re·jitna man·gija ong·paaia. Upper Shillongoni Laitunkhrah-ona soknan kongta 3-4 nanga; Krismas git albumko changgni bon·pile watangoba miksongatangonan sokrongja. Miksonga biapona sokangbebeoba aiao! — bano gari dongen, sandion kontasa ong·angkugen. “Krismas pangnan nambegipa somoi” ine BoneyM git ring·a, indiba Shillongode gari changketasa!
Gari changketana sako matnanggen: manderangba aro traffic departmentba ong·aia. Gari salgiparangba an·tangtangkosan u·iaia, trafficni niamkon ja·rikna sikja; indita gari changketo traffic departmentba maiba cholko dake niaba griskaa. Ia bilsisan ong·ja, adita bilsirangna skangonin Krismas somoide Shillongni sorokrango gari changketan bilongenga.
Jeba jaba ong·china, gariba changketchina — Krismasni sal somoide bilsi gimikon ka·srokbatgipa ong·aia. Indita gari changketako sengoba giljachi ganangna ba·ra chola, juta muja man·angahaode chu·ongniknan nangaia. Gari changketaniba ia Krismasna daarianio chakchikna man·a man·gijako niani gita ong·akon. Krismaso katchaanide gisik ka·tongni gitasa ong·a: gari changketako chakeba ka·srokna man·gipasa Krismasna chong·mot katchasogipa! Pengpat suat dakoba, sket-changket dakako chakeba Krismasna katchaani balwade balpongdapaigen. Duk chakesa sukko man·a inako chanchie, gari changketoba Krismasna katchasona hai!
Iakoba poraie nina man·gen: Manipuro so·sojengjeng ong·aniko ki·sango donge wa·al so·doenggipade drugs badingsrukgipa aro napsrukbae songdonggiparangan: CM N. Biren Singh
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
