Guwahati, Dec 10: Guwahati police dol, saliram jolni Special Operations Group(SOG) baksa nangrime sandianiko dakanio gari cha•ogipa dolrangko aro iandakgipa kamo jak donggipa sak 6 manderangko rim•na man•aha.
Ia rim•a man•gipa manderangara, Jhograpar, Dhubri a•jaoni Md. Abdul Hanif Seikh (32), Arikati, Kamrup a•jani Md. Rafig Ali (30) aro No. 2 Seshara, Barpeta a•jaoni Md. Jakir Hussain ong•achim.
Iandake garirangko cha•oe palengani bidingo Secret Intelligence-oni koborko man•soa ja•man, Gorchuk police dol SOG baksa nangrime am•sandianiko a•bachengataha aro sak 3 bike cha•ogiparangko rim•na man•aha.
Indake, uamangko sing•sandianiko dakanio uamangni ku•rachakanichi, Meghalaya-ni Jowai-o police dolrang ja•ga donaha aro gari cha•oe palgipa garirangko ra•chaksoskagipa sak3 manderangko rim•dapna man•aha.
Ia manderangara, West Jaintia Hills a•jaoni, Dibormi Amrynsong (26) aro Tunadahun Matra (25) aro Jowai Saphai-oni Rimiki Suchiag (22) ong•achim.
Ia rim•a man•gipa manderangko sing•sandianiko dakanio, India-Bangladesh sima ari sepango donggipa Karkhana songo cha•oe donenggipa chakka ronggnigipa gariko rim•na man•aha, una agreba, ge•gittam master chabi aro sil ratgipa korat-ko chanchape cha•oanio jakkalgipa gipin ostrorangko rim•aha.
Police-rangni aganani gitade, ia dolrang chalakkigiparang ong•a aro Assam aro Meghalaya a•dokrangoni garirangko cha•oronggiparang ong•achim. Indake ia cha•o gimin garirangko, Bangladesh-ona uamang watatskaenga.
Na·simang ia video-koba nina man·gen:
Na·simang iakoba poraina man·gen: Lok Jagaran Manch, Bangladesh Assistant High Commission mikkango jingjengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
