Shillong, Dec 7: All Garo Hills Advocates’ Union dol, jolo High Court bench dongjani a•sel badi ka•gipa manderang aro ukilrangni neng•nikanirangko chagrongna nangani bidingo janapenba, Meghalaya High Court bench-ko Garo Hills-o donchina gita Skotong Minister Conrad K Sangma-na memorandum-ko on•angaha.
2024 bilsini December 4 tariko, Skotong Minister-na on•gipa memorandum-o, Meghalaya High Court-o sokbagipa pilak case-rangan Garo Hills-ni dam 5 a•jarangoni ong•a ine janapataha. Indake ong•engon, Shillong songjinma chel•bea baksana tangka koros bang•e nangani gimin bang•a badi ka•giparangan an•tangtangni badi ka•anikon galchipaona sokronga ineba janape seataha.
Una agreba, All Garo Hills Advocates’ Union-ni President Challang A Ch Marak, Garo Hills-oni Shillong-ona mokordomana re•bana gita re•baani koros, dongchakani koros aro cha•a ringani korosrangko man•chape bang•a tangka paisarangko galna gita nanga. Iandakgipa neng•nikanirangko man•ani a•sel kangal cholgri manderangna sinjetaniko in•a baksana kakket bichaloniko uamangko champenga gita ong•a ineba janapataha.
Garo hills-ni ukilrang bang•batan High Court-ni gadango mongsonggipa skie ra•anirangko man•rikrongja maina ian uamangni kamni a•bao dakchakgipa ong•an baksana, uamangko Senior Advocate ong•gnionikoba champengani gitaba ong•a inenba ia dolni gita janapataha.
Garo Hills-ni ukilrang, jolo donggipa court baksana chel•bea biapo donggipa High Court-o apsan somoio kam ka•na gita neng•nikanirangko man•ronga aro ian uamangni mikkangchi man•gni cholrang aro namgnirangkoba komiata inenba, Marak talatangaha.
Meghalaya a•doko songdonggipa pilak manderangan kakket bichalko man•a nangchongmotani gimin aganengon, ukilrang aro jolo songdonggipa manderangni neng•nikaniko olgrokatna gita Garo Hills-o High Court bench-ko donchina a•dok sorkario mol•molangaha.
Na·simang ia video-koba nina man·gen:
Na·simang iakoba poraina man·gen: Shillong-o skanggipa changna Spoken Festival-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
