Shillong, Dec 10: Meghalaya a•dokni Garo Hills-ni songadam jolrango 82%-na batpile nokdangrang Jal Jeevan Mission (JJM)-ni gita siltongni chirangko man•aha, 2019 bilsio 0.46% mangni gitasan nokdangrang chirangko man•kuengachim.
Ia JJM-ko a•bachengataoni, lakh 0.49 nokdangrangko wate songadamrango donggipa lakh 2.28 mangni gita nokdangrang siltongni chirangko man•aha. Indake ong•engon, a•dok sorkari ta•raken 100%-ona sokna gita jotton ka•enga.
U•iatani gitade, Lok Sabha session ong•engmiting somoio Tura-ni MP Saleng A Sangma-ni sing•anina, a•dokni Jal Shakti Minister, V Somanna, mission-ni tang•doani, neng•nikanirang aro uko namdapatani cholrangkoba talate on•angaha.
Garo Hills jolo donggipa manderang a•bri a•kongarigipa biaprang, namgija rama jal•angrang, chu•onga gita internet-rang man•ja baksana aran karirango chirang man•gijani a•sel neng•aniko man•ronga. Ia pilak neng•nikanirangko olgrokatna gita, a•dok sorkari jolo donggipa chirangko namdapatna, project-rangko nipilani baksana chu•onga gita chirangko man•a gita Soil & Water Conservation Department baksa kamrangko ka•enga.
India sorkari, 2019 aro 2024 bilsini gisepo ia mission-ko chu•sokatna gita bang•bea tangka paisarangko chamatani a•selsa ia mission-ko chu•sokatna gita man•aha. 2023-24 bilsio, crore 3,567.25 mangni gita chamatgipa tangka paisarangoniko crore 1,572 tangka paisarangko jakkalangaha. 2024-25 bilsina, crore 653.6 tangkarangko chamataoniko, 2024 bilsini December jaona crore 440.4 mangni gita tangka paisarangko jakkalangaha.
Chirangko manderangna sokatana agreba, Nal Jal Mitra Programme-ni ning•o jolo donggipa sak 2,893 manderangna siltong tariani aro ro•ongni mistri-ni kamrangko skie on•angaha. Ia skia man•gipa kam ka•giparang mongsonggipa kamrang jekai chi watani, nirok simsakani aro songo chi watenggipa siltongrangko tariani baksana chi chimongchakram biaprangko name nirok simsake jolo donggipa manderangna janggi tangani cholrangkoba on•a dakchakgen.
Garo Hills-o donggipa songadam nokrango, 82% mangni gita nokdangrang siltongni chirangko man•ahani gimin, a•doko “Har Ghar Jal” ba nokantion siltongni chirangko sokatna miksongenga.
Na·simang ia video-koba nina man·gen:
Na·simang iakoba poraina man·gen: M’laya a•doko paikana rikani 78.5% mangni gita chu•soka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
