Williamnagar, Sep 13: Garo Hills-ni bol wa·arangko Assam aro uandakgipa dingtang dingtang biaprangona palatanio joltangni manderangan jak donga ine ma·sina man·aha.
Mongolbar salo, A·chik Holistic Awakening Movement (AHAM) Eastern Zone-ni membor-rang, Williamnagar, Rongjeng, Songsak aro Rongrenggre forest reserve-rangoniko bol cha·ue palatanio jak donggipa mande saksani ML-07B 9770 Alto gari baksana Assam-ni AS-18AC 4160 Bolero pik up gario bol gape salangmitingko rim·ani ja·man, iako ma·sina gita man·aha.
AHAM eastern zone-ni u·iatani gitade, ia Alto gariara Williamnagar Nengsila gittimoni saksa Drill Ch Sangma minggipa mandeni gari ong·achim aro ia garian, Assam-ni Bolero pik up gario bolrangko gatatani ja·man, East Garo Hills a·jani rama gita Assam-ona dilatengachim.
Ia garirangko rim·ani ja·man AHAM-ni membor-rang, Forest aro Police department-ni manderangna phone ka·atenba, ja·mano ia garirangko pakwate on·ataha.
Iakoba poraie nina man·gen: Police Hq-o engineering wing-ko kulina Cabinet ra·chaka
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
