Shillong, Dec 23: Meghalaya-ni dingtang dingtang community reserve-rangoni Garo Hills-on bang•bata makkre-ni rokomrang bang•batgipa ong•a ine gital am•sandie nianio u•ina gita man•aha. Salim Ali Centre for Ornithology and Natural History-ni am•sandigipa dolrangni am•sandianiko dakaniara, buringo donggipa janggi gnanggiparangko ripingna gita jolo donggipa manderangni buring bolgrimrangko ripingna nangchongmotaniko mesoka.
Folia Primatologica journal ba songbad-o nakatatgipa Ministry of Environment, Forest and Climate Change-ni ning•o National Mission on Himalayan Studies-ni dakchakaniko man•e am•sandianio, Garo Hills, Khasi Hills aro Jaintia Hills-rango donggipa dal•dalgipa aro diltubatgipa dam 32 community reserve-rangniko am•sandianiko dakangaha. Sanyukta P Kasbekar, Honnavalli N Kumara, Siddhesh Sitaram Bhor, S Babu aro P. V. Karunakaran, uamangni am•sandianio trail survey-rang, jachipchang ra•na jakkalgipa camera-rang baksana jolo donggipa manderango sing•sandianirangko dakangaha.
Ia am•sandie nianio, diltugipa buringo donggipa Western hoolock gibbon ba huro aro capped langur ba rangol-ko man•chape makkre-ni ming 6 rokomrangni gimin seaniko dakangaha.
Western hoolock gibbon ba huro-rangko dam 10 reserve-rango nikna gita man•aha, iarang janggi tangna gita namgipa aro dal•begipa buring bolgrimrangko nanggipa rokomrang ong•a.
Assamese macaques ba makkre-rang aro Northern pig-tailed macaques ba wak ki•me dakgipa makkre-rang jedakgipa buringrango dongna gita man•genchim ong•oba, sikar ka•ani a•sel kena nanggipa ong•skaa.
Nokdang 200-ni manderang baksa agangrikanio, jatni bebe ra•anio pangchake huro-rangko ripingani gimin u•ina gita man•engon, mi misirangko nosto ka•ani a•sel makkre-rangde sikar ka•aniko chagrongna gita nangskaa ine u•ina gita man•aha.
Na·simang ia video-koba nina man·gen:
Na·simang iakoba poraina man·gen: Assam-o training ra•a matchotgimin sak 2,000 sipai dolrang Manipur Police-o bakrimea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
