Shillong, Feb 22: South Garo Hills a·jao dangdike on·enggipa Catholic Sister saksako Assam a·doko kragija dakahani gimin Assam a·dokni Chief Minister Himanta Biswa Sarma baksa agangrikataha aro iani bidingo Assam-ni CM nanga gita ja·kurangko de·na ku·rachakaniko on·ataha ine Bristibar salo, Meghalaya a·dokni Chief Minister Conrad K Sangma parakataha.
Sangma-ni aganani gitade, ia obosta ong·ani ja·man Catholic Sister kenjagokatako man·ahani gimin bus garini nomborko name gisik ra·jaengaha indiba a·sel ong·gipa biap aro somoirangko talate on·na man·aha.
Iana skang, ia a·selni bidingo Trinamool Congress (TMC)-ni MLA Charles Pyngrope, Assembly-ni Session-o an·tangni suk ong·gijaniko parakatenba, iandake dingtang dingtang jat aro toromni manderang apsan meli nangrime dongna man·na gita iandakgipa obostarangko chel·chakchina sorkariko didiangahachim.
Pyngrope-ni aganani gitade, re·anggipa February-ni 17 tarik pring 11:00 bajio, South Garo Hills a·jao dangdike on·enggipa Sister Rosemary, Dudhnoi-oni Goalpara-ona re·na gita bus bolsao gadoahachim. Bus gario gadoani ja·man bus garini conductor aro bus gario songreenggipa manderangoni mitamrang, uni kosako aro uni toromni dakbewalrangko chonnike aganna a·bachengaha. Adita somoirangni ja·man uamang bus gariko sikdikdikgipa biapo neng·takatenba, Sister Rosemary-ko bus garioniko ong·onataha.
Ua saksa me·chik aro toromigipa mande ong·pae ia a·sel ong·ani ja·man gisikni gita dongtogijaniko aro kenjagokataniko man·aha ine ia a·selni bidingo ta·raken Assam sorkari baksa agangrikchina TMC MLA, a·dok sorkariko didiangaha.
Iani bidingo Opposition dolni dilgipa Ronnie V Lyngdoh-ba dingtangmancha Chief Minister-na memorandum-ko Speaker gita on·ataha.
Indake ong·engon, ia a·selni bidingo sorkari ma·simanaha aro ua an·tangan Assam-ni Chief Minister baksa agangrikatahani gimin ua iani bidingo ja·kurangko de·na ku·rachakaniko on·ataha ine Meghalaya a·dokni Chief Minister aganchakaniko on·angskaaha.
Na·simang iakoba poraie nina man·gen: Meghalaya earmarks Rs. 5271 cr for Gender budget
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
