Ladakh, Sep 9: September-ni 8 tariko, Kashmir a•dokni Leh songjinmao ong•atanggipa Ladakh Marathon-o Garo Hills-o donggipa Tura Runners Club-ni membor sakgittam, chong•motan Freddie Ochi N Sangma, Chimpu M Sangma aro Tarzan Ch Sangma-ba bakko ra•e matchotna man•aha.
Ia Ladakh Marathon-ara 11,500 chuao, km 42.195 ramako katna nanggipa ong•e, a•gilsako chubatsranggipa Marathon ong•a aro ia Marathon-ko Association of International Marathons & Distance Races (AIMS-IAAF)-ni gita certify-ba ka•aha.
Ia Ladakh Marathon-o bak ra•ena skang, Tura Runners Club-ni membor-rang, baditaba jarangna an•tangtangko tarisamsochengaha aro uamang a•songni dingtang dingtang biaprango ong•atanggipa marathon-rangoba bak ra•aha. Garo Hills-oni re•anggipa dolo, Tura Runners Club-ni gipin sakgni membor-rang, chong•motan Salseng M Sangma aro Senora G Momin-ba bak ong•pae, Marathon-o bak ra•gipa membor sakgittamna pilak nanga dakchakanirangko on•skaaha.
2015 bilsionin Tura Runners Club, Garo Hills-ni dingtang dingtang biaprango marathon-rangko ong•atrongenga aro ia club-ni gita ong•atrongenggipa katsusaaniranga, Turathon Hill Challenge, full aro half marathon aro uandakgipa katsusaanirangan ong•achim.
Tura Runners Club-ni iandakgipa katsusaanirangko ong•atanichi Garo Hills-o Batsrang A Sangma gita katsusana changgipa sapgipa chadamberangko ong•katatna man•aha.
Na·simang ia video-koba nina man·gen:
Na·simang iakoba poraina man·gen: Chokpot songni manderang rama jal•angrang namjaengahani gimin neng•nikanirangko man•enga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
