Tura, Aug 29: Meghalaya a•doko aro mongsongbate Garo Hills-o Animal Husbandry & Veterinary department-ni chagrongna nangenggipa neng•nikanirangko namatna aro department-ni ning•o donggipa dingtang dingtang nokrangko namdapatna gita Mongolbar salo, a•dokni AH & Vety Minister AL Hek, Garo Hills-ona re•bae department-ni official-rangko grongani ja•man ku•rachakaniko on•angaha.

Hek-ni parakatani gitade, department-ni official-rang baksa tom•anio, Garo Hills-ni dingtang dingtang biaprango matchu, wak, do•bok, do•o aro uandakgipa jilla kaanirangko jilchakgipa farm-rangko chalaianio neng•nikanirangko chagrongna nangengani gimin Garo Hills-ni official-rang, una talate on•angtokaha aro iandakgipa neng•nikanirangko chel•chakna ua uamangna ku•rachakaniko on•angaha.

AH & Vety department-o chu•onggijanirang bang•en dongkuenga ine ku•rachakangengon, mikkangchi ia department-o bang•en dingtanganiko nikna man•gen ine Hek parakataha.
Garo Hills-ona re•baanio ua, AH & Vety department-ni ning•o donggipa dingtang dingtang farm-rangko aro office-rangkoba niangaha.

Rashtriya Gokul Mission (RGM)-ni ning•o MAITRI (Private Artificial Insemination Worker)-rangni skanggipa batch-na miksonge on•atgipa motorcycle bolgnikoba ia apsan salon, AH & Vety Minister a•bachengate on•angjolaha.

Iakoba poraie nina man·gen: Netherlands a·songba Manipur-na bi·chaka

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub