Ampati, April 8: Lok Sabha election ong•na siengon, South West Garo Hills-ni District Magistrate, Hema Nayak, election-ni somoio sorokrango gari changketaniko champengna aro polling personnel, zonal magistrate aro sector officer-rangni re•ruramiting somoio maming a•selgri ba chanchisona am•gijagipa a•selrangoni naljokna man•a gita, jrimbegipa bosturangko salgipa garirangko mongsongbate Bangladesh-ona rongterangko ra•angenggipa garirangko, 2024 bilsini April jani 17 tarikni attam 5 bajioni, April 20 tarikni attam 5 bajiona dontongataniko dakchina ge•etaniko on•angaha.
![](https://hubnetwork.in/wp-content/uploads/2024/03/3-6.jpg)
Una agreba, PWD- rama rikamo, silitingrang ba siltongrangko dapani kamrangko, April 17-20 tarikona dontongatna gitaba ge•etaniko on•ataha, jedakode election-o kam tikatako man•giparang nengrae re•rurana man•an baksana election-ni somoio internet jakkalanio maming neng•nikanirangko man•jawa.
A•ja gimikon, dal•dalgipa para salgipa aro nosto ong•gipa garirangko ramasamo galchipe donenggipa garirangko taraken jitatenba bangbanggipa biaprango donatchinaba ge•etaniko on•ataha.
![](https://hubnetwork.in/wp-content/uploads/2024/03/WhatsApp-Image-2024-03-04-at-3.30.21-PM.jpeg)
Indake ong•engon, District Magistrate, a•jani pilak nangchongmotgipa pekwatgipa ramarang aro mongsonggipa ramarango, gari donna on•gijagipa biaprango ba no parking zone-rango gari saltimgipa gri minute 10 ba una bate donna gitaba man•jawa aro rama paktangtangon garirangko donna man•jawa ine CrPC-ni section 144-ni niamo pangchake ge•etaniko on•ataha.
Na·simang ia video-koba nina man·gen:
Na·simang iakoba poraina man·gen: Umsning-o NPP-ni campaign ka•aniko VPP supporter-rang golmal ka•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020