Tura, Aug 3: West Garo Hills a•jani Bikonggre jolo, bilsi 12 ong•gipa me•chik bi•sa saksako gitok rageke so•ote galangaha.
Police-rangni kobor on•ani gitade, ia me•chik bi•sani gimaa intalan ia me•chikni noksulba gimaengani gimin ia me•chik bi•sako uni noksulan so•otakon ine police-rang chanchichipenga.
Ia me•chik bi•sako so•otna skang drae til•ekachimkon ineba police-rang chanchichipenga.
Ia manggisini post mortem report-na police-rang sengkuenga ineba u•iataha.
Police-rangni u•iatani gitade, ia a•sel ong•ani, Phulbari police station-ni ning•o donggipa Bikonggre jolni Jengrapara songo ong•aha.
Ia me•chik bi•sani gimaani salo, songo mande siani gimin me•chik bi•sani nokdang gimikan mande sigipaona re•angahachim aro ia me•chik bi•saba uni ma•a paa baksa sigipaona re•angahachim.
Mande sigipao ia me•chik bi•sako, nokni light-rangko kimite donechina gita watatahachim indiba ua sigipani nokona sokangpilajaha ine kobor on•timgiparang u•iataha.
Ia me•chik bi•sani ma•a paa, sigipaoni nokona re•bapilon, uamang nok janggilo uamangni demechikgipako gitok rageka gnang an•chirara dake sie dongakosa nikeaha.
Ia a•sel ong•aonin ia me•chik bi•sani noksulba nokoni gimaengani gimin da•o police-rang, ia mandeko sandina a•bachengataha.
Iakoba poraie nina man·gen: M’laya-o be•en bitinrang chu•ongjaenga: Hek
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
