Shillong, Oct 20: Ia jani a·bachengachibara Garo Hills-ni bang·a biaprangon mikkarang dontonggija waanganichi a·arang be·e aro chirang banne, sak 17 manderang sina nangahani gimin, iandakgipa a·selrangko champengna gita Mawkyrwat-ni MLA aro a·dokni gitcham PHE Minister Renikton L Tongkhar, adita cholrangko ku·pattie on·angaha.
Iani bidingo kobor ra·timgipa manderang baksa agangrikengon, Garo Hills-o ong·anggipa a·selrangara namen ong·nanggijagipa a·selrang ong·aha ine ia a·sel ong·anio, an·tangtangni ka·sagiparangko gimaatna nanggipa nokdangrangna aro neng·nikanirangko chagrongna nanggipa pilak manderangnan an·tangni kalimpaaniko parakataha.
Duko ga·akenggipa nokdangrangna ta·raken dakchakanirangko on·na kamko ka·ahani gimin sorkariko mittelpilangengon, mikkangchi iandake ong·telaigipa a·selrang ong·anio janggi gimaaniko champengna gita chi banronggipa biaprango, mongsongbate ongipa biaprango manderangko songdong a·chana on·jachina Tongkhar didianiko on·angaha.
A·briarigipa biaprango nokrangko rikengon, pangnan naljokna a·brirangko cho·e ra·chengenba nokrangko rikchina, retaining wall-rangko mangrake rikchina aro nangani kri nalarangko tarichina gitaba Tongkhar, ku·pattianiko on·angaha.
Ia ku·pattianirangko ua saksa MLA ong·e sorkarina on·anggen ineba Tongkhar ku·rachakaniko on·angaha.
Na·simang ia video-koba nina man·gen:
Na·simang iakoba poraina man·gen: Synod College-ni Vocational Training Institute-ko CM nokdonggae on·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
