Tura, June 23: Tura-ni College of Teachers Education, chong·motan B.Ed college-ni students union-ni gita watata man·gipa chatrorang, skie on·ani a·bako namdapatna gita Teachers’ Education course-o Masters-ko a·bachengate on·china dabian baksa college-o poraiani biaprangko ge 100 onaEducational minister Pa Rakkam Sangma-ko mija Bristibar salo grongangenba memorandum-ko on·angaha.
Garo Hills gimiko ge·sa mangmang dongpagipa sorkarini chalaienggipa B.Ed College-o skie on·ani a·bao dangdike on·na gita skie ra·aniko dakenggipa chatro-chatrirangna mikkangchi bang·a namgnirang donganiko nike chingni ia dabianirangna chatrorang, college-o skie on·enggiparang aro jolni manderangba gimikan namnikpaaniko on·aha ine CTE-SU-ni gita minister-ko ua somoio grongegiparang parakataha.
B.Ed College-o poraienggipa chatro-chatrirangna mingsa nangchongmotgipani gimin janape memorandum-ko on·anganio, skie on·ani a·bao dangdike on·na gita an·tangtangko tarienggiparang ia somoirango bang·batahani a·sel seat-rang chu·ongjaengahani gimin biapko ge 100 ona baridapataniko nangnike uamang dabiangaha.
Seat-ko bariatchina gita dabiengon, skigiparangni college-o admission ra·na gita biapko bariatgenchimode, skie ra·enggiparangnasan namgniko on·aigija, a·dok gimiko pilakni gitan namgnikoba ra·bachongmotgen, maina namgipa aro sapgipa skigiparangko ong·katatna man·ahaon a·dok gimiko skie on·ani gadangrangoba tang·doaniko nikna gita man·gen ine CTE-SU-ni president Thomas M Marak parakataha.
Minggipin, college-o Masters ba M.Ed course-ko a·bachengate on·ani gimin aganangskaengon, advanced program-ko on·anichi skie on·na gita an·tangtangko tarienggipa chatrorangna aro skie on·ani a·barango dangdike on·soenggipa professional-rangna postgraduate-ni gadango skie on·anirangko dakskana gita man·gen aro iachi pilak skie on·enggiparang chasongni kri nambata gadango chatrorangna skie on·na man·an baksa dingtang dingtang gadangni skie ra·anirangkoba pilak skie on·enggiparang skie ra·dapna ba poraidapna gita cholko man·gen ine union janapataha.
“M.Ed course-ko ra·dapanichi chua aro nama gadango poraidapna nangnikenggipa chatrorangko rimbadapna man·asan ong·aijawa, indiba Tura, Rongkhon-o ge·sa mangmang dongpagipa skie on·chakram biapko mikkim gnangdapatan baksana a·dok gimiko skigiparangni poraichakgipa biapko ba institution-ko niksengatnaba dakchakgen ine CTE-SU-ni General Secretary
Anthony A Sangma, aganangskaaha.
Iakoba poraie nina man·gen: Iran-ni saksa aro Bangladesh-ni saksako Tripura Police rim·a
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
