Tura, Nov 3: Re•anggipa November 1 tariko, West Garo Hills aro South Garo Hills a•jarango, me•chik bi•sa sakgniko drae til•ekaha indiba ia biap damgnion dos dakgipa manderangko police-rang rim•na man•aha.

Skanggipa a•sel ong•ani, November-ni 1 tarik attamo, South Garo Hills a•jani Jadigittim jolo ong•aha, jeon me•chik bi•sa saksako uni wanggipa, me•chik bi•sani nokon drae til•ekaha.

Ia a•sel ong•ani ja•man, me•chik bi•sani ma•gipa, Jadigittim police outpost-ona re•ange badi ka•eaha aro police-rang, uni segipa Cheng Ch Marak bakan rim•na man•aha. Dos dakgipa mandeni kosako police-rang, POCSO Act-ni ning•o Baghmara Women Police Station-o mokordoma ka•aha.

Ia apsan salni walon, West Garo Hills a•jani Chibinang joloba bilsi 14 ong•gipa me•chik bi•sa saksako, adita sak manderang, mi a•pal damsaona rim•draangenba, drae til•ekaha.

Ua somoio ia me•chik bi•sako uni me•asa ripeng sakgni, uko nokona dilatengachim indiba Chibinang Durga Mandir sambao adita sak manderang, uamangko champengsoenba, dos dakgipa manderangoni saksa me•chik bi•sako an•tangni bike-o rim•draangenba, drae til•ekaha. Uni me•asa ripeng sakgnikoba dos dakgipa gipin manderang kragija dake dokaha ine FIR-o janapaha.

Ia a•selni bidingo police-rang, Chibinang-ni Zakirul Islam, Rakif Rahman, Bhima Sainasi, Laddu Islam aro Bhogularbita, Phulbari-ni Kaushik Gupta-ko rim•aha.

Iakoba poraie nina man·gen: W’nagar-o All Souls Day-ko manianga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub