Tura, June 26: Garo Hills a•jani ning•o ga•akenggipa song damsao, chadambe ong•kuenggipa me•chik saksako jinmani mikkango ka•saninggija dokani ja•wilwat giproroani ja•mano, a•selrangko talna gita Tura-ni Deputy Commissioner Jagdish Chelani-ni ge•etaniko on•atani ja•man, West Garo Hills Police dolrang am•sandianiko dakna a•bachengataha.
Song damsao, chadambe ong•kuenggipa me•chik saksako adita me•asarangni uni knirangko sale wa•a bibomchi doka sataniko ja•wilwatko nikna man•ahachim. Ia me•chikni grape doka sataniko dondikatchina mol•molbegenchimoba, ia manderang ka•sachakaniko mesokjaha.
Uano donggipa adita me•chikmarangba, champengani pal batesa ua me•chikko dokchina didianiko nikna man•aha.
Indake iani gisepo, ja•delgimin me•apa saksa mangmang uamangko champengna jotton ka•begenchimoba, ua ja•delgimin mandeko jitpake uamang dokaniko dondikjaha.
Ia chasongo iandakgipa a•selrangko nikanirang komibeahachim, jekon, gipin a•songrango jekai, Afghanistan aro Pakistan a•songrangosa, authority-rangni cha•ogiparangko aro chonbegipa dakgualaniko ka•giparangko jinmani mikkango rakbegipa sastirangko on•ronganikosa nikna man•achim.
Na·simang ia video-koba nina man·gen:
Na·simang iakoba poraina man·gen: Tamulpur-o me•chik bi•sako mongma kalake siata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
