Tura, Oct 6: Sonibar waloba mikkarang jimbee waanganichi East Garo Hills a·jao mande sakgittam siangani ja·man batanggimin salrango mikkarang dontonggija waanganio Garo Hills gimiko mande siani da·o gimik sak 15 gapdoangaha.
Sonibar walo, Songsak ramao donggipa bol pangsa gari bolsako be·dapanichi mande saksa so·otako man·aha aro Rongjeng joloba nok te·sako a·arang rurongdape, ia nokni ma·gipa aro uni demechik so·otako man·aha.
East Garo Hills a·jani SP AS Rynjah-ni u·iatani gitade, Robibar pringwalo, Rongjeng police station-ni ning·o donggipa Gongdop songo, nok te·sako kosako donggipa a·brioni a·dukbekrang rurongdapaha aro noko tusienggipa nokni ma·gipa aro uni demechik, a·a dapako man·e sina nangaha. Ja·mano ia ma·ningsani manggisiko ra·ongkatenba hospital-ona ra·angaha ine SP parakataha.
Songsak-o ong·gipa a·selba Sonibar walpaksachibara ong·aha aro ua somoio Thenseng R Marak minggipa mande saksa, me·chik sakgni baksa Dalu-oni Rongjeng-ona re·angengachim. Songsak reserve ramako re·angengmiting somoio rang·san dal·begipa bol pangsa uamangni gariko be·dapaha aro Thenseng Marak, ua biapon so·otako man·aha.
Ia gariara ML-08J 1279 Renault Kiger ong·achim aro sianggipa mandeara Dalu jolo donggipa Thibapara songoni ong·achim. Ia a·sel ong·anio me·chik sakgni, chong·motan Dalu Thibapara songoni bilsi 29 ong·gipa Sengrikchi D Sangma aro bilsi 27 ong·gipa Clarinda D Sangma-ba bilongbee saknaanirangko man·na nangaha. A·sel ong·ani ja·man, ia me·chik sakgnina Songsak PHC-o adita sanna bananirangko on·enba ja·mano Williamnagar hospital-ona ra·angskaaha.
Re·anggipa Bristibar salonin Garo Hills gimikon dontonggija mikkarang waanganichi a·arang rurongdape aro chirang banne, Sukrobar saloba West Garo Hills a·jani Dalu jolo mande sakgittam siangna nangahachim.
Uni ja·man Sukrobar waloba dontonggija mikkarang waanganichi, Gasuapara jolo donggipa Hatisia Songmong songo nokdang ge·sani mande saksniko a·a rurongdapaha.
Sukrobar salon, paningsa sakgnikoba, uamangni gario re·baengmiting somoio, Dimapara jolo donggipa Bugai chibima man·pakangaha aro uamangni manggisiko Robibar pringni bako SDRF-ni sipairang sandienba, adita chel·ao donggipa biaprangoniko man·aha.
Garo Hills-o iandake mikkarang dontonggija waanganichi a·arang ruronganio aro chirang bananio neng·nikanirangko man·enggipa manderangna pilak nanga dakchakanirangko on·china gita a·dokni Chief Minister Conrad K Sangma, district administration-rangna ge·etaniko on·ataha.
Iandakgipa a·selrangchi sianggipa manderangni nokdangrangna tangka paisarangko on·na gitaba Chief Minister parakataha.
Champengata man·gipa ramarangni biapo dingtang ramarangko sandie on·skachina gita district administration-rangna ge·etaniko on·angengon, chi pe·anggipa dolongrangni biapo bailey bridge ba ta·rake rikna man·gipa silni dolongrangko tarichina Chief Minister u·iataha.
Garo Hills-o dontonggija mikkarang waanganichi chirang dal·bae, Assam-ni Mankachar a·jaoba chi bananirangko nikna man·angaha.
Assam Mankachar a·jani Taporepara, Kumarghati, Kalapani, Kazipur, Chirakhowa, Binachatta aro Bengaibata jolrango chi bananirangko knasona man·aha.
Na·simang ia video-koba nina man·gen:
Na·simang iakoba poraina man·gen: SIFF dol 12,500 mega watt dam-ko kana miksongenganiko jegale jingjengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
